PSV hujumchisi Kodi Gakpo faoliyatini "Manchester Yunayted"da davom ettirishi mumkin, deya xabar beradi jurnalist Fabrisio Romano.
Manbaning xabariga ko‘ra, 23 yoshli niderlandiyalik futbolchi Angliya klubi futbolchi bo‘yicha rasmiy taklif bilan chiqsa, "Manchester Yunayted"ga o‘tishga tayyor bo‘ladi. Xabar qilinishicha, PSV hujumchi uchun 45 million yevro olmoqchi.
Gakpo o‘tgan mavsumda barcha turnirlar doirasida 47 ta o‘yinda maydonga tushib, 21 ta gol va 15 ta golli uzatmaga mualliflik qilgan. Transfermarkt portali futbolchining narxini 30 million yevroga baholamoqda.