Греция терма жамоаси аъзоси Криакос Пападопулус Германия терма эамоаси билан баҳсдан аввал ўз фикрларини айтиб ўтди.
"Биз ўйиндан аввал ўзимизни хотиржам ҳис қилмоқдамиз. Жаҳоонинг энг кучли терма жамоасига қарши ўйнашимизга қарамай, йўқотадиган ҳеч нарсамиз йўқ."
Шунингдек, "Шальке-04" жамоаси ҳимоячиси немис футболидан хабардор эканлиги унга Германияга қарши баҳсда қўл келишига ишонмоқда.
"Ўйлашимча, бизга осон бўлиши учун ёрдам берадиган нарса - кўп футболчиларнинг имкониятларини биламиз. Балки, шу нарса бизнинг ғалаба қозонишимизга ёрдам берар."
"Бу баҳс мен учун махсус матч бўлади, чунки Германияда бирга тўп сурадиган жамоадошларимга қарши ўйин олиб бораман. Лекин, нима бўлишидан қатъи назар, биз яхши ўйин кўрсатишга ҳаракат қиламиз, курашамиз, ва фақат курашамиз" футболчининг сўзларидан иқтибос келтирмоқда goal.com сайти.
