"ПСЖ" дарвозабони Кейлор Навас тез орада "Наполи"га ўтади. Томонлар 35 ёшли дарвозабоннинг трансфери борасида келишиб олишди, деб хабар беради La Republicca.
Аввалроқ, футболчини италияликлар ижарага олиши мумкинлиги, "ПСЖ" бу ҳолатда унга маошнинг бир қисмини тўлаб бериши хабар қилинганди.
Мавсум олдидан Париж клуби бош мураббийи Кристоф Галтье Жанлуиджи Доннарумма янги мавсумда асосий дарвозабон бўлишини маълум қилганди.
2021/22 йилги мавсум якунида Навас "ПСЖ" сафида 26 та ўйинда 24 та гол ўтказиб юборди. Унинг клуб билан шартномаси 2024 йилнинг 30 июнига қадар амал қилади.