"PSJ" darvozaboni Keylor Navas tez orada "Napoli"ga o‘tadi. Tomonlar 35 yoshli darvozabonning transferi borasida kelishib olishdi, deb xabar beradi La Republicca.
Avvalroq, futbolchini italiyaliklar ijaraga olishi mumkinligi, "PSJ" bu holatda unga maoshning bir qismini to‘lab berishi xabar qilingandi.
Mavsum oldidan Parij klubi bosh murabbiyi Kristof Galtye Janluidji Donnarumma yangi mavsumda asosiy darvozabon bo‘lishini ma’lum qilgandi.
2021/22 yilgi mavsum yakunida Navas "PSJ" safida 26 ta o‘yinda 24 ta gol o‘tkazib yubordi. Uning klub bilan shartnomasi 2024 yilning 30 iyuniga qadar amal qiladi.
