Тошкентнинг "Пахтакор" клуби бош мураббийи лавозими эгаллаб турган Мурод Исмоилов "Навбаҳор"га қарши ўйин қийин кечганини таъкидлаб ўтди.

“Ўйин биз учун қийин кечди. “Навбаҳор” охиригача бизга жиддий қаршилик кўрсатди. Аммо энг муҳими биз ғалаба қозона олдик. Тўғри ўтказиб юборган гол бироз юракни ҳижил қилди. Ўйин чиройли чиқмади, аммо натижага эришдик. Сабаби “Олмалиқ” кеча ғалаба қозонганди ва бизга етиб олганди. Бугун 3 очко биз учун жуда муҳим эди".

"Баъзи сабабларга кўра Журжевич жамоадан кетди. Мен энди бор билимимни жамоамизга ёрдам беришга сарфлайман. Баъзи ўйинчиларимиз жароҳат сабабли, баъзилари эса ўйин амалиётига эга булмаганликлари учун бизга ёрдам бера олишмаяпти. Мен ҳужум чизиғини сезиларли даражада кучайтиришни ўйлаб турибман. Аммо биз курашларга жиддий киришадиган жамоани шакиллантиришимиз керак".

“Бунёдкор”га қарши алоҳида тайёргарлик кўрилади. Ўртага обрў, орият қўйилади. “Пахтакор” бу “Пахтакор”, “Бунёдкор” эса “Бунёдкор”. Бу ўйиннинг аҳамиятини футболчиларга тушунтириб ўтириш шарт эмас. Бу йигитларга ортиқча босим бериш ҳам тўғри бўлмайди. Ўша ўйинда кимга омад кулиб боқса ўша ғалаба қозонади” – дея Мурод Исмоиловнинг сўзларидан иқтибос келтирмоқда клуб расмий сайти.