Италия терма жамоасининг собиқ ҳужумчиси Антонио Кассано Италия чемпионати 2-тури доирасида “Ювентус”нинг “Сампдория” жамоасига (0:0) қарши ўйини ҳақида фикр билдирди.
“Ювентус” футболчилари ҳужумда кетма-кет учта тўғри узатмани амалга ошира олишмайди. Уларнинг фонида "Сампдория" "Барселона"га ўхшарди. Влахович деярли тўпга умуман тегмади. Уларнинг ўйинларини кўришнинг иложи йўқ” - деди Антонио Italian Football TV билан суҳбатда.
Эслатиб ўтамиз, А Сериянинг дастлабки турида “кекса синьора” “Сассуоло” устидан 3:0 ҳисобида ғалаба қозонганди. Туринликлар навбатдаги ўйинини 27 август куни "Рома"га қарши ўтказади.
