Европа чемпионатининг илк чорак финал учрашуви ҳам ўз ниҳоясига етди.
Ушбу жуфтликнинг фаворити дея баҳоланган Португалия кичик ҳисобда Чехияни мағлуб этиб, мусобақанинг илк ярим финалчисига айланди.

Биринчи бўлим тенг курашлар остида ўтди. Ҳужумлар борасида эса португалияликлар бироз дадилроқ ҳаракат қила олишди. Криштиану Роналду бир вазията Петр Чехни доғда қолдириши мумкин эди, аммо бу вазиятда дарвоза тўсини чехларни голдан қутқариб қолди.

Иккинчи бўлим эса тўлиқ португалияликларнинг устунлигида ўтди дейин мумкин. Роналду яна бир вазиятида жарима тўпини тепганида, тўп яна дарвоза тўсинига тегиб майдондан чиқиб кетди. Шунингдек Жоао Моутиньо, Нани ҳамда Раул Мейрелашлаар ҳам ўз зарбалари билан Чехни синовдан ўтказишди.

Тиниб тинчимаган португалияликлар барибир ўз мақсадларига етишди. Учрашув тугашига оз қолган бир пайтда, ўнг қанотдан бошланган ажойиб комбинациядан сўнг Роналду боши билан жуда чиройли зарба берди. Тўп ерга сакраган ҳолатда дарвозанинг юқори бурчагига жойлашди. Петр Чех ҳам бу зарбани қайтаришга ожизлик қилди. Ўйиннинг қолган қисмида Португалия ташаббусни қўлдан бой бермади.
Португалия энди ярим финалдаги рақибини кутади.

Эслатиб ўтамиз, Португалия ярим финалда Испания ҳамда Франция жуфтлиги ғолиби билан майдонга тушади.

ЧЕХИЯ – ПОРТУГАЛИЯ 0:1 (0:0)
Гол: Роналду (79).

Чехия: Чех, Гебре Селасси, Сивок, Кадлец, Лимберски, Гюбшман (Пекхарт, 86), Плашил, Ирачек, Дарида (Резек, 61), Пиларж, Барош.
Португалия: Патрисиу, Жоау Перейра, Пепе, Алвеш, Коэнтрау, Велозу, Мейрелеш (Роланду, 88), Моутинью, Нани (Куштодиу, 84), Роналду, Поштига (Угу Алмейда, 40).
Огоҳлантиришлар: Нани (26), Велозу (27).