Франция терма жамоаси ҳимоячиси Лорен Коселни Иcпания терма жамоаси ва уларнинг ўйин услуби ҳақида ўз фикрларини билдириб ўтди. 

“Марказий ҳужумчи билан ўйин кўрсатадаиган жамоага қарши ўйнаш осонроқ. Агар ундай бўлмаса, консентрацияни сақлашинг ва атрофингда нималар бўлаётганини кўз узмасдан кузатишинг шарт. Рами ва мен бир ўйинда бирга ҳаракат қилдик ва менимча яхши ўтди. Биз бир-биримизни биламиз ва хатоларимизни биргаликда бартараф этишга ҳаракат қиламиз."  

“Мен ўзимни яхши ҳис қиляпман ва машғулотларда қаттиқ ҳаракат қиляпман. Сербияга қарши ўйиндан сўнг, майдонга тушмадим. Бироқ ўзимни яхши ҳис қиляпман" дедйи "Арсенал" ҳимоячиси.

Шунингдек, Испания билан баҳсдан аввал қандайдир қўрқув ёки ҳаяжон бор-йўқлиги ҳақида сўралганда, қуйидагича жавоб берди: "Испаниядан қўрқяпмизми? Ҳа ва йўқ. Ҳамма ҳоҳ у чорак финал бўлсин, ҳоҳ у ярим финал Испанияга қарши ўйнашни ҳоҳлайди. Ҳаяжонли ўйин бўлиши аниқ. Ундан роҳатланиш ўзимизга боғлиқ. Мен улардан қўрқишимизга сабаб кўрмаяпман. Уларнинг ўз ўйин услуби бор ва шунингдек бизнинг ҳам. Агар Испанияга қарши ҳаммангиз ҳужумга ўтсангиз, сизда муаммо бўлиши аниқ. Биз ҳимояни мустаҳкам ушлашга ҳаракат қиламиз. Биз амалдаги чемпионларга қарши ўйнаймиз ва менимча, бу ўйин ҳар томонлама фантастик ўйин бўлади."