"Ливерпуль" ярим ҳимоячиси Наби Кейта трансфер ойнаси тугагунига қадар жамоани тарк этиши мумкин. Daily Mirror нашри хабар беришича, Дортмунднинг "Боруссия" клуби ярим ҳимоячини сотиб олмоқчи.

Қайд этилишича, “Ливерпуль” ярим ҳимоячилар билан боғлиқ оғир вазиятга қарамай, Кейтани сотиш вариантини кўриб чиқиши мумкин. Ҳозирда Алекс Окслейд-Чемберлен, Тиаго Алькантара, Кертис Жонс ва Кейталар жароҳат олиб жамоага ёрдам бера олишмаяпти.

Кейтанинг "Ливерпуль" билан шартномаси тугашига бир йил қолди, шу боис клуб футболчини қўйиб юбориш ва унинг ўрнига "Брайтон"дан Мойсес Кайседони сотиб олиш ҳақида ўйламоқда.