Германиялик собиқ футболчи Бастиан Швайнштайгер Англия Премьер-лигасининг 3-туридан ўрин олган "Манчестер Юнайтед" - "Ливерпуль" учрашуви натижаси ҳақида гапирди.
“Мен “Манчестер Юнайтед” мухлисиман ва жамоа ғалаба қозона олганидан хурсандман. Лекин мен уларнинг ўйинини ажойиб деб айтмаган бўлардим. Шахсан мен учун "Ливерпуль" бу ўйинда энг яхши жамоа бўлди. Клопп шогирдлари тўпга кўпроқ эгалик қилишди. Тан олишимиз керакки, “қизил иблислар” ажойиб кайфият ва жамоавий руҳ кўрсатишди” - деди Швайнштайгер BBC Sport билан суҳбатда.
“Олд Траффорд”да кечган учрашув “Манчестер Юнайтед”нинг 2:1 ҳисобидаги ғалабаси билан якунланди.
