"ПСЖ" Фабиан Руиснинг трансфери бузилган тақдирда муқобил вариант топди.
Париж клуби "Наполи" ярим ҳимоячисини қўлга киритиш устида ишламоқда. Хабар қилинишича, келишув 25 миллион еврога баҳоланган.
Бироқ сўнгги пайтларда музокаралар секинлашди. Неаполликлар пулдан ташқари дарвозабон Кейлор Навасни олиш умидида янги талабларни илгари сурди.
Шу сабабдан "ПСЖ" бошқа номзодларни кўриб чиқа бошлади. Улардан бири “Валенсия” ярим ҳимоячиси Карлос Солер.
Испан жамоаси шартномаси бир йилдан кейин тугайдиган 25 ёшли ярим ҳимоячини сотишга тайёр. Футболчининг ўзи ҳам "Валенсия"ни тарк этишга тайёр.