"PSJ" Fabian Ruisning transferi buzilgan taqdirda muqobil variant topdi.
Parij klubi "Napoli" yarim himoyachisini qo‘lga kiritish ustida ishlamoqda. Xabar qilinishicha, kelishuv 25 million yevroga baholangan.
Biroq so‘nggi paytlarda muzokaralar sekinlashdi. Neapolliklar puldan tashqari darvozabon Keylor Navasni olish umidida yangi talablarni ilgari surdi.
Shu sababdan "PSJ" boshqa nomzodlarni ko‘rib chiqa boshladi. Ulardan biri “Valensiya” yarim himoyachisi Karlos Soler.
Ispan jamoasi shartnomasi bir yildan keyin tugaydigan 25 yoshli yarim himoyachini sotishga tayyor. Futbolchining o‘zi ham "Valensiya"ni tark etishga tayyor.