"Эвертон" "Манчестер Юнайтед" ярим ҳимоячиси Жеймс Гарнерни сотиб олиши мумкин, дея хабар беради Twitter журналисти Патрик Бойлан.
21 ёшли англиялик футболчига ёзда "Лестер", "Ноттингем Форест" ва "Тоттенхэм" клублари қизиқиш билдиришган.
Гарнер ўтган мавсумни "Ноттингем"да ижара асосида ўтказди. У жамоа сафида барча мусобақаларда 49 та ўйин ўтказиб, 4 та гол урди ва 10 та голли узатмани амалга оширди.
Ярим ҳимоячининг манкунианликлар билан амалдаги шартномаси 2024 йилнинг 30 июнига қадар тузилган. Transfermarkt портали футболчининг нархини 7 миллион еврога баҳоламоқда.
