“Торино” билан шартномаси якунланиб, эркин агентга айланган ҳужумчи Андреа Белотти янги клуби билан шартнома имзолашга яқин турибди.
DAZN нашри хабарига кўра, яқин кунларда ҳужумчи португалиялик мутахассис Жозе Моуриньо бошчилигидаги "Рома" жамоасига кўчиб ўтади. Андреа "бўрилар" сафига кўчиб ўтиш учун "Монако" ва "Галатасарой" клублари томонидан таклиф қилинган фойдалироқ шартномаларни рад этди.
Белоттининг Рим клуби билан шартномаси бир неча мавсумга мўлжалланган бўлиб, унинг маоши уч миллион еврони ташкил қилади.
Андреа 2015 йилдан 2022 йилгача "Торино"да ўйнаган.
