Аркадиуш Милик "Марсель"дан "Ювентус"га ўтишга яқин турибди.
Турин клуби ҳужумчи трансфери шартларини француз томони ва футболчининг агентлари билан келишиб олди. Жанлука Ди Марционинг сўзларига кўра, "Ювентус" ҳужумчини 7 миллион еврога сотиб олиш имконияти билан 1 миллион еврога ижарага олади.
Футболчи аллақачон Туринга етиб борган. Интернетда Миликнинг аэропортдан чиқиб кетаётгани акс этган видеолар пайдо бўлди.
Ҳужумчи 2021 йилнинг январида "Марсель"га кўчиб ўтганди. Француз жамоаси сафида 55 та ўйинда майдонга тушиб, 30 та гол урди ва 3 та голли узатмани амалга оширди.