Arkadiush Milik "Marsel"dan "Yuventus"ga o‘tishga yaqin turibdi.
Turin klubi hujumchi transferi shartlarini fransuz tomoni va futbolchining agentlari bilan kelishib oldi. Janluka Di Marsioning so‘zlariga ko‘ra, "Yuventus" hujumchini 7 million yevroga sotib olish imkoniyati bilan 1 million yevroga ijaraga oladi.
Futbolchi allaqachon Turinga yetib borgan. Internetda Milikning aeroportdan chiqib ketayotgani aks etgan videolar paydo bo‘ldi.
Hujumchi 2021 yilning yanvarida "Marsel"ga ko‘chib o‘tgandi. Fransuz jamoasi safida 55 ta o‘yinda maydonga tushib, 30 ta gol urdi va 3 ta golli uzatmani amalga oshirdi.