“Манчестер Юнайтед” ва Португалия терма жамоаси ҳужумчиси Криштиану Роналду Португалияда қурилаётган ўзининг уйи ёнида жойлашган гольф клубини сотиб олиб, кейин бузиб ташламоқчи, деб хабар бермоқда The Sun.

Манба берган хабарга кўра, футболчи уй деразасидан манзара яхши кўриниш учун шундай қилишга қарор қилган. Португалиялик вакиллари аллақачон гольф клуби эгалари билан музокараларни бошлаб юборишган. Шунингдек, уйга туташ автотураргоҳни бузиш режалаштирилган.

37 ёшли Роналду жорий мавсумда “Манчестер Юнайтед” сафида 3 та ўйинда майдонга тушиб, гол ура олмади. Унинг клуб билан шартномаси 2023 йилнинг ёзига қадар мўлжалланган.