Бугун сайтимиз орқали Испания терма жамоаси ҳамда Бильбаонинг "Атлетик" клуби аъзоси Хави Мартинеснинг 40 млн. евро эвазига «Бавария»га ўтиши мумкинлиги ҳақида хабар берган эдик. 

Бироқ, футболчининг трансфери билан шуғулланувчи "Bahia International" ташкилоти вакили Антонио Санснинг хабарига кўра, бу хабар шунчаки немис нашрлари томонидан ўйлаб топилган миш-миш холос.

"Хави Мартинес ва "Бавария" клуби ўртасида ҳеч қандай келишув амалга ошгани йўқ" деди Антонио Goal.com сайтига берган интервьюсида.

Шунингдек, футболчининг "Барселона" клуби билан ҳам музокара олиб бораётганлиги ҳақида фикрлар айтилмоқда. Мартинеснинг ўзи эса каталония клуби сафида ўйнашни ҳоҳлашини айтиб ўтган эди.