Миланнинг "Интер" клуби марказий ҳимоячи Милан Шкриньярни жамоада олиб қолмоқчи. Журналист Адриен Греньернинг фикрича, “нерадзуррилар” словакиялик футболчини трансфер ойнаси охиригача сотиш ниятида эмас.

Франциянинг "ПСЖ" клуби аввалроқ футболчига фаол қизиқиш билдирган, бироқ Париж клуби "Интер"нинг молиявий талабларини қондира олмади. Энди италияликлар раҳбарияти Шкриньярни сотмайди, чунки унинг ўрнига муносиб ўринбосар топиб бўлмайди.

"Интер" ҳимоячиси билан шартномани узайтириш устида фаол ишламоқда. Словакиялик футболчининг “нерадзуррилар” билан амалдаги шартномаси 2024 йилда якунига етади.