Milanning "Inter" klubi markaziy himoyachi Milan Shkrinyarni jamoada olib qolmoqchi. Jurnalist Adriyen Grenyerning fikricha, “neradzurrilar” slovakiyalik futbolchini transfer oynasi oxirigacha sotish niyatida emas.

Fransiyaning "PSJ" klubi avvalroq futbolchiga faol qiziqish bildirgan, biroq Parij klubi "Inter"ning moliyaviy talablarini qondira olmadi. Endi italiyaliklar rahbariyati Shkrinyarni sotmaydi, chunki uning o‘rniga munosib o‘rinbosar topib bo‘lmaydi.

"Inter" himoyachisi bilan shartnomani uzaytirish ustida faol ishlamoqda. Slovakiyalik futbolchining “neradzurrilar” bilan amaldagi shartnomasi 2024 yilda yakuniga yetadi.