"Манчестер Юнайтед" ярим ҳимоячиси Каземиро ҳужумчи Криштиану Роналдуни тарихдаги энг яхши футболчилардан бири деб атади. У 37 ёшли португалиялик манкунианликлар клубида қолишига умид билдирди.
"Роналду - барча даврларнинг энг яхши футболчиларидан бири. Криштиану уни жуда ҳурмат қилишимни билади. Умид қиламанки, у "Манчестер Юнайтед"да қолади", дейди футболчи.
Ярим ҳимоячи Роналду "Манчестер Юнайтед" учун жуда муҳим эканини таъкидлади.
Жорий мавсумда ҳужумчи “Манчестер Юнайтед” сафида АПЛда 3 та ўйинда майдонга тушди. Унинг клуб билан шартномаси 2023 йилнинг 30 июнига қадар амал қилади.
