"Лацио" ҳужумчиси Педро римликлар бош мураббийи Маурицио Саррининг ўйин услуби "Манчестер Сити" устози Пеп Гвардиоланикига ўхшатди.
А Сериянинг 3-турида “Лацио” “Интер”ни 3:1 ҳисобида мағлуб этди.
"Қайсидир маънода, у ҳам биздан доимо тўпга эга бўлишимизни, юқори прессингни ва тўпни ушлаб туришимизни хоҳлайди. Бу жиҳатдан у Гвардиолага жуда ўхшайди. Саррининг ўз ғоялари бор, жамоа уларни тушунади. Биз бу ғояларга ишонишда ва худди шу руҳда ўйнашда давом этишимиз керак", - дея Педронинг сўзларини келтиради DAZN.
“Лацио” А Серияда 3 турдан кейин 7 очко билан пешқадамлик қилмоқда. “Интер” эса 6 очко билан 4-ўринда.
Кейинги турда “Лацио” 31 август куни сафарда “Сампдория” билан ўйнайди. "Интер" 30-куни ўз уйида "Кремонезе"ни қабул қилади.