Ҳужумчи Кристан Тельо "Лос-Анжелес" футболчисига айланди. МЛС клуби 1 июль куни эркин агентга айланган 31 ёшли испаниялик футболчи билан шартнома имзолаганини эълон қилди. Шартнома 2022 йилгача мўлжалланган ва яна икки йилга узайтирилиши мумкин.
"Кристиан хавфли ҳужумчи ва биз "Лос-Анжелес"да қураётган лойиҳага жуда мос келади", - деди жамоа бош менежери Жон Торрингтон.
"Барселона" тарбияланувчиси Тельонинг сўнгги клуби "Бетис" эди.
Форвард ўтган мавсумда барча турнирларда 35 та ўйинда майдонга тушиб, 5 та гол урди ва 3 та голли узатмани амалга оширди.