"Барселона" "Ренн" ва Мали терма жамоаси ҳимоячиси Амари Траорега қизиқиш билдирмоқда, деб хабар беради GFFN.
Манбага кўра, "қизил-қоралар" футболчининг ўтишига қарши эмас. 30 ёшли малилик футболчининг трансфер нархи 3 миллион еврога етиши мумкин.
Ҳимоячи 2017 йилда "Реймс"дан "Ренн"га ўтган эди. Унинг амалдаги шартномаси бир йилдан кейин тугайди. Transfermarkt портали футболчининг нархини 10 миллион еврога баҳоламоқда.
Ўтган мавсумда Траоре "қизил-қоралар" сафида 42 та ўйинда майдонга тушиб, 3 та гол урди ва 11 та голга ассистентлик қилди.