Дортмунднинг “Боруссия” клуби ҳимоячиси Мануэль Аканжи фаолиятини Англияда давом эттириши мумкин, деб хабар беради Mail.
Манбага кўра, 27 ёшли швейцариялик футболчига "Лестер" даъвогарлик қилмоқда. Агар ҳимоячи Уэсли Фофана "Челси"га ўтса, "тулкилар" футболчи билан шартнома имзолаши мумкин.
Аканжи ўтган мавсумда "Боруссия" сафида 35 ўйинда майдонга тушиб, битта гол урган. Transfermarkt портали футболчининг нархини 30 миллион еврога баҳоламоқда.