"Манчестер Юнайтед" "Аякс" ҳужумчиси Антони борасида музокаралар олиб бормоқда, деб хабар беради Sky Sports.
Манкунианликлар клуби 90 миллион евролик таклиф рад этилганига қарамай, 22 ёшли бразилиялик футболчини сотиб олиш ҳаракатларидан қайтмаяпти.
Қайд этилишича, Амстердам клуби ҳужумчи учун камида 100 миллион евро олмоқчи.
Антони жорий мавсум Амстердам сафида барча мусобақаларда учта ўйинда иккита гол урди ва иккита голли узатмани амалга оширди. Унинг клуб билан шартномаси 2025 йилнинг 30 июнига қадар мўлжалланган.