"Милан" ҳужумчиси Оливье Жиру А Сериянинг янги мавсумидаги "Скудетто" учун кураш ҳақидаги саволга жавоб берди.
“Ҳар доим айтганимдек, футбол нолдан бошланади, ҳар куни ишни нолдан бошлаш керак. Ҳа, мағлубиятсиз сериямиз 19 та учрашувни ташкил этади, аммо ҳар бир ўйинга янгича ёндашамиз.
Муваффақиятли бўлишда давом этишимиз учун жамоавий руҳимизни сақлаб қолишимиз керак. "Скудетто" учун бешта жамоа, жумладан “Милан” даъвогарлик қилмоқда. Ҳаммаси энди бошланмоқда ва биз мақсад сари қадамма-қадам борамиз”, деди француз DAZN нашрига берган интервюсида.
