БАА футбол асоссацияси президенти Юсуф ал Саркал ОФК ижро қўмитасининг июль ойидаги йиғилишида ОФК президентлигига ўз номзодини қўйишни режалаштирмоқда.
“Ҳозирча ОФК президентликка номзодлик даъволарини қабул қилаётгани йўқ. Биз ОФКнинг номзодлик аризаларини қабул қилиш кунини эълон қилишини кутмоқдамиз. Аввал ўша кун эълон қилинишини кутайлик, шундан сўнг номзодлик ҳақида фикр билдиришимиз мумкин бўлади" деди БАА футбол ассоссацияси президенти Юсуф ал Саркал Gulf News интернет нашрига берган интервьюсида.
“Гарчи номзодларни қабул қилиш куни эълон қилинмаган бўлса-да, мен Осиёдаги барча федерациялар билан суҳбатлашдим. Ишонч билан айтишим мумкинки, менда яхши имконият бор."
“Учрашувимиз 19 июлда бошланади, бироқ мен у ерга 17 июлда бораман ва мусобақаларни ўтказиш қўмитасининг йиғилишида ҳам иштирок этаман. ОФК билан ўтказган йигирма йиллик фаолиятим давомида кўплаб учрашувлар ўтказдим ва аъзолар билан муносабатлар аъло даражада. Сайлов қачон ўтказилишидан қатъи назар, мен ўз номзодимни қўймоқчиман ва менинг номзодим ОФК раҳбарлиги учун муносиб номзодлигига ишонаман."
