Football Insider хабарига кўра, "Ливерпуль" Дортмунднинг "Боруссия" клуби ярим ҳимоячиси Жуд Беллингемни ўз сафига қўшиб олмоқчи. Манбанинг хабарига кўра, 19 ёшли англияликнинг трансфери қишки трансфер ойнасида амалга ошиши мумкин.
Ярим ҳимоячи 2020 йилда "Бирмингем"дан Дортмунднинг "Боруссия"сига ўтган эди. Футболчининг амалдаги шартномаси муддати 2025 йилгача мўлжалланган. Transfermarkt портали футболчининг нархини 80 миллион еврога баҳоламоқда.
Беллингем 2021/22-йилги мавсумда Дортмунднинг “Боруссия” клуби сафида 44 та ўйинда майдонга тушиб, 6 та гол урди ва 14 та голли узатмани амалга оширди.