"Лион" ярим ҳимоячиси Лукас Пакета "Вест Хэм" билан шартнома имзолаш учун Лондонга келди, дея хабар беради инсайдер Фабрицио Романо.
Яқин соатларда футболчи тиббий кўрикдан ўтади ва шундан сўнг у "болғачилар" билан шартнома имзолайди.
Битим 50 миллион фунт стерлингга баҳолангани хабар қилинганди.
Пакета "Лион"га 2020 йилда келиб қўшилганди. Унинг "шерлар" билан амалдаги шартномаси 2025 йилгача мўлжалланган.
24 ёшли бразилиялик ўтган мавсумда "Лион" сафида барча турнирларда 43 ўйинда 11 гол урди ва 7 голга ассистентлик қилди.