Жароҳати сабабли Англия терма жамоаси билан Европа чемпионатида иштирок эта олмаётган Фрэнк Лэмпард жамоадоши Эшли Коул ҳақида илиқ фикрларни билдириб ўтди.
“Эшли Англиядаги энг яхши чап қанот ҳимоячиси ва у буни намойиш эта олди" дейди футболчи The Sun нашрига берган интервьюсида. "У аъло даражада ҳаракат қилмоқда."
“Бироқ, бу мени ҳайратлантираётгани йўқ. Мен уни машҳур номларга қарши ўйинларда ҳам кўрганман ва уларнинг ҳеч қайси бири ўша ўйинларда ундан яхшироқ ўйин кўрсатмаган. На Криштиано Роналду, на Лионел Месси ва на бошқа бирор футболчи."
“У бир неча йиллардан буён Англиянинг энг яхши чап қанот ҳимоячиси бўлиб келмоқда ва яна бир неча йил мана шундай юксак савияда ўйин кўрсата олади" Лэмпарднинг сўзларидан иқтибос келтирмоқда goal.com сайти.
