Франция терма жамоаси билан баҳсда дубль қайд этган футболчи Хаби Алонсо Португалия терма жамоаси билан бўладиган ярим финал ўйини ва Криштиано Роналду ҳақида ўз фикрларини билдириб ўтди.
"Биз Криштианони жуда яхши биламиз. Унинг кўрсатаётган ўйини бизни ҳайратлантираёгани йўқ, чунки у бутун мавсум давомида худди шундай ўйин намойиш этди. Асосийси, улар билан баҳсда, худди бугунгига ўхшаб ўз ўйинимзни намойиш этишимиз керак" дейди футболчи.
Шунингдек, Алонсо Франция билан бўлиб ўтган чорак финал баҳси ҳақида ҳам фикр билдирди.
"Биз бу босқичларда мағлуб жамоа мусобақани тарк этишини, ғолиб эса иштирокини давом эттиришини яхши тушуниб турибмиз. Гарчи бугунги ўйинда кўплаб имкониятлар бўлмаган бўлса ҳам, биз яхши ўйин намойиш этдик. Ўз ўйинимиздан қониқиш ҳосил қилдик."
