Германия терма жамоаси бош мураббийи Йоахим Лёв Евро-2012 чорак финалида Греция устидан эришилган ғалабани (4:2) шарҳлади.
- Бу жамоа ижросидаги ажойиб ўйин бўлди ва биз тўртинчи марта кетма-кет ярим финалга олиб чиқдик.
Биз жамоамиз билан фахрлансак арзийди. Греклар йўқ жойдан вазиятлар содир этиши аввалдан маълум эди. Биз ўйин бошида ҳисобни оча олмадик, аммо бу ҳеч кимни руҳини туширмади.
Бугун таркибимизда баъзи ўзгаришлар рўй берди. Кетма-кет уч ғалабадан сўнг шундай қилишни лозим топдим", - дея Лёвнинг сўзларини келтиради ВВС.
Эслатиб ўтамиз, Евро-2012 мусобақасида Германия таркибида биринчи марта Мирослав Клозе, Марко Ройс ва Андре Шюррлелар майдонга чиқишди.