Мавсум анча олдин бошланиб бўлди, бироқ Эдинсон Кавани ҳамон эркин агентлар рўйхатида. Уругвайлик футболчи ўтган мавсум охирида шартнома муддати тугагани сабабли "Манчестер Юнайтед"ни тарк этганди.
Эдинсон Кавани "Валенсия" ва "Реал Сосьедад" ўртасида танлов қилди, дея хабар беради ижтимоий тармоқ инсайдери Фабрицио Романо.
35 ёшли уругвайлик ҳужумчи «кўршапалаклар»нинг икки йиллик шартнома таклифини қабул қилишга қарор қилди.
Қайд этилишича, Каванини танлашга “Валенсия” таклифи унга Европада узоқроқ ўйнаш имконини бергани сабаб бўлган.
Қўшимча қиламизки, Эдинсон Кавани Испания чемпионатида ҳали майдонга тушмаган.
