Португалия терма жамоаси ҳамда "Бенфика" клубининг собиқ футболчиси Эйсебио шанба куни касалхонага жўнатилди.
"Эйсебио шанба куни терма жамоа билан футбол баҳсини томоша қилиб турган пайтда ўзини ёмон ҳис қилди" дейилади Португалия футбол федерацияси расмий сайти тарқатган хабарда. "Лиссабондаги ўзининг шахсий шифокори билан маслаҳатлашилгандан сўнг, Познандаги касалхоналардан бирига муолажа учун олиб кетилди ва у ерда тиббий кўрикдан ўтказилади."
Эслатиб ўтамиз, январь ойида етмиш ёшни қаршилаган Эйсебио декабрь ойидан буён уч марта даволаниб чиқди. Шифокорлар унга гипертония касаалиги ташхисини қўйишган.
