Харри Кейн - Премьер-лиганинг барча вақтлардаги тўпурарлари орасида 3-ўринга кўтарилиб олди.

"Тоттенхэм" ҳужумчиси "Ноттингем Форест"га (2:0) қарши АПЛ 4-тур учрашувида дубль қайд этди.

Бу голлар англиялик учун турнирдаги 186 ва 187-голлари бўлди. Бу кўрсаткич бўйича у Энди Коулга етиб олди, у билан ҳозирда Премьер-лига тўпурарлари рейтингида 3-ўринни бўлишиб турибди.

Улардан фақат Уэйн Руни (208 та гол) ва Алан Ширер (260 та гол) кўпроқ гол урган.

Кейн жорий мавсумда тўртта ўйинда тўртта гол урди, худди Родриго (Лидс) ва Александар Митрович (Фулхэм) каби. Фақатгина Эрлинг Холанд улардан (“Манчестер Сити”, 6 та гол) кўпроқ гол урди.