Мадриднинг “Реал” клуби ҳужумчиси Карим Бензема Испания чемпионатининг 3-туридан ўрин олган “Эспаньол”га қарши ўйинда (3:1) иккита гол урди.
Шу тариқа, эндиликда 34 ёшли франциялик футболчи ҳисобига Ла Лиганинг 417 та учрашувида 222 та гол урди – у Сесар Родригесни (353 та ўйинда 221 та гол) ортда қолдирди ва тўпурарлар рўйхатида еттинчи ўринга чиқиб олди. Олтинчи қаторда Альфредо Ди Стефано (329 ўйинда 227 гол). Ла Лигада гол уриш бўйича рекордчи "Барселона"нинг собиқ ҳужумчиси Лионель Месси бўлиб, у 520 ўйинда 474 та гол урган.
Жорий мавсумда Бензема Испания чемпионатида 3 та ўйин ўтказиб, 3 та гол урди ва голли узатмани амалга оширди.
