Эквадорлик тажрибали ҳужумчи Фелипе Кайседо фаолиятини Саудия Арабистони чемпионатида давом эттиради. 33 ёшли футболчи "Абха" жамоаси билан шартнома тузди. Бу ҳақда клуб расмий сайти хабар бермоқда.
Форварднинг шартномаси кейинги йилнинг ўрталаригача мўлжалланган. Кайседо жамоа сафига эркин агент сифатида қўшилди.
Эслатиб ўтамиз, Фелипе Россия Премьер-лигасида ўйнаш тажрибасига эга. У 2011-2014 йилларда Москванинг “Локомотив” клубида ўйнаган.
Ҳужумчи ўтган мавсумда "Женоа"да ўйнаганди. У ўнта учрашувда қатнашиб, битта гол урди ва учта голли узатмани амалга оширди.
