Ekvadorlik tajribali hujumchi Felipe Kaysedo faoliyatini Saudiya Arabistoni chempionatida davom ettiradi. 33 yoshli futbolchi "Abxa" jamoasi bilan shartnoma tuzdi. Bu haqda klub rasmiy sayti xabar bermoqda.
Forvardning shartnomasi keyingi yilning o‘rtalarigacha mo‘ljallangan. Kaysedo jamoa safiga erkin agent sifatida qo‘shildi.
Eslatib o‘tamiz, Felipe Rossiya Premyer-ligasida o‘ynash tajribasiga ega. U 2011-2014 yillarda Moskvaning “Lokomotiv” klubida o‘ynagan.
Hujumchi o‘tgan mavsumda "Jenoa"da o‘ynagandi. U o‘nta uchrashuvda qatnashib, bitta gol urdi va uchta golli uzatmani amalga oshirdi.
