"Манчестер Юнайтед" ҳужумчиси Криштиану Роналдунинг агенти Хорхе Мендеш ёзги трансфер муддати тугаши арафасида "Челси" билан алоқани тиклади, дея хабар беради The Independent.
Манбанинг хабар беришича, 37 ёшли футболчининг агенти Роналдуни Чемпионлар лигаси клубига ўтказишга уринишда давом этар экан, Лондон клубининг позицияси ўзгарган-ўзгармаганлигини текширмоқда.
Эслатиб ўтамиз, агент ҳужумчини трансфер ойнаси бошида "кўклар"га таклиф қилган, бироқ жамоа бош мураббийи Томас Тухель бу келишувга қизиқмаган.
28 август куни Роналду ижара асосида "Наполи"га ўтишга тайёр экани хабар қилинганди.
Жорий мавсумда португалиялик футболчи “Манчестер Юнайтед” сафида АПЛ доирасидаги учта ўйинда иштирок этди ва самарали ҳаракатлари билан ажралиб турмади. Роналдунинг клуб билан шартномаси 2023 йилнинг 30 июнига қадар амал қилади.
