Ўтган мавсумни "Челси"да ижара асосида ўтказган ярим ҳимоячи Сауль Ньигесга "Атлетико"да талаб катта.

Todofichajes нашрининг ёзишича, Диего Симеоне бу мавсумда футболчига умид қилмоқда. Аввалроқ Саулга "Рома"дан қизиқиш борлиги ҳақида хабарлар тарқалган эди.

27 ёшли ярим ҳимоячи Испания чемпионатининг бугунги "Валенсия"га қарши ўйинида мадридликлар сафида асосий таркибда майдонга тушиши кутилмоқда.

Ньигеснинг "Атлетико" билан 2026 йилнинг ёзгача шартномаси мавжуд. У 2013 йилдан буён "матрасчилар" шарафини ҳимоя қилиб келмоқда.

"Валенсия" - "Атлетико" учрашуви бугун тунда "Месталья" стадионида бўлиб ўтади.