"Барселона" ярим ҳимоячиси Френки де Йонг бугун тушдан кейин Лондонга йўл олди. El Chiringuito нашри ходимлари футболчидан "Челси"га ўтиши мумкинлиги ҳақида сўрашга ҳаракат қилишди, бироқ футболчи бу саволга жавоб бермади.
Испания матбуоти де Йонгнинг Лондонга ташрифи Томас Тухелнинг жамоасига ўтиши билан боғлиқ эмаслигини ёзмоқда. Ҳужумчи Мемфис Депай ҳам Буюк Британия пойтахтига йўл олди. Гап шундаки, “Барселона” футболчиларига бир неча кунлик дам олиш берилди, Де Йонг ва Депай эса бўш кунларини Лондонда ўтказишга қарор қилишди.
Илгари де Йонг учун "Манчестер Юнайтед" ҳам курашга қўшилганди, аммо "манкунианликлар" кейинчалик бу курашдан чиқиб кетишганди. Кўринишидан, нидерландиялик футболчи "Барселона"да қолади.
