Германия терма жамоаси аъзоси Месут Ўзил жамоа бош мураббийи Йоахим Лёв ҳақида илиқ фикрларни билдириб ўтди.

"У жуда маҳоратли, дунёнинг энг яхши мураббийларидан бири" дейди Ўзил. "У "Реал"ни бошқара оладими? Албатта, нега бундай бўлмаслиги мумкин? Бу ишни қилиш учун унинг салоҳияти етарли."

Шунингдек, Ўзил терма жамоадаги ва клубдаги жамоадоши Сами Хедирани ҳимоя қилди: "Нега уни танқид қилишаётганини тушунмаяпман. У ҳозирги кунда дунёнинг энг яхши жамоасида тўп сурмоқда. Ҳар доим ҳисоблаб боришингиз мумкин, у ҳар доим юз фоизли натижа кўрсататди. Мен у билан бирга Мадридда ва терма жамоада ўйнаётганимдан фахрланаман. У дунёнинг энг яхши олти футболчисидан бири."

Месут Ўзил қироллик клубидаги келажаги ҳақида берилган саволга жавоб қайтарар экан, ҳозирча клуб билан шартномаси борлигини таъкидлади.

"Менинг клуб билан 2016 йилгача шартномам бор. Менга Мадрид шаҳри ёқади: қуёш доим чарақлаб туради ва у ерда менинг кўплаб дўстларим бор. Келажакда нима содир бўлишини айтиб беролмайман, бироқ айтишим мумкинки, мен клубда бахтиёрман.