"Аякс" ярим ҳимоячиси Антони "Манчестер Юнайтед"га ўтди.
Иккала клуб ҳам 22 ёшли вингерни трансфер қилиш бўйича келишувни тасдиқлади.
Битим 95 миллион еврони ташкил қилади, яна беш миллиони бонус сифатида тақдим этилади.
Яқин орада бразилиялик футболчи тиббий кўрикдан ўтади ва "Манчестер Юнайтед" билан 2027 йилгача узайтириш имконияти билан шартнома имзолайди.
Антони охирги марта 14 август куни майдонга тушди. Нидерландия чемпионатининг жорий мавсумидаги 2 та ўйинда унинг ҳисобида 1 та гол ва 2 та голли узатма бор.
