“Торпедо” ярим ҳимоячиси Ҳожимат Эркинов “Спартак”да ўйнашни хоҳлашини айтди.
"Торпедога ўтишдан олдин "Спартак"дан қизиқиш бормиди? Бу ҳақда эшитмадим, улар мен билан боғланмади. Бир куни у ерда ўйнашни хоҳлайсизми? Албатта, хоҳлайман, “Спартак” – катта клуб”, - дея Эркиновнинг сўзларини келтиради Спорт24.
21 ёшли ўзбекистонлик шу йилнинг ёзида “Торпедо”га кўчиб ўтганди. Унинг амалдаги шартномаси 2025 йилгача мўлжалланган.
Жорий мавсумда ярим ҳимоячи Москва клуби сафида 6та ўйин ўтказиб, бирорта ҳам гол ура олмади. Россия чемпионатининг етти туридан кейин “Торпедо” 1 очко билан 15-ўринда бормоқда.
