Испаниянинг "Бетис" жамоасида ўйнаётган ҳужумкор ярим ҳимоячи Хоакин клуб билан шартномасини муддатидан олдин бекор қилишга ва фаолиятини якунлашга тайёр. Бу ҳақда Mundo Deportivo нашри хабар бермоқда.

Манбанинг маълум қилишича, 41 ёшли футболчи дарвозабон Клаудио Браво ва ҳужумчи Виллиан Хосени рўйхатдан ўтказиш билан боғлиқ муаммони ҳал қилиш мақсадида раҳбариятга шундай вариантни таклиф қилган. Бироқ клуб бундай қадамга бормади ва фахрий билан шартномани бекор қилишдан бош тортди.

Хоакин 2015 йилдан бери "Бетис" жамоасида ўйнаб келмоқда. Ярим ҳимоячининг клуб билан шартномаси 2023 йилнинг ёзига қадар амал қилади.

Ўтган мавсумда вингер Ла Лиганинг 21 ўйинида 1 та голли узатмани амалга оширган.