Португалиялик ҳужумчи Криштиану Роналдунинг эҳтимолий трансфери ҳақида хабарлар пайдо бўлишда давом этмоқда. ESPN нашри хабарига кўра, Роналдунинг "Манчестер Юнайтед"даги жамоадошлари ҳужумчидан норози ва уни шу ёзда жамоани тарк этишини талаб қилишмоқда.
Манбанинг таъкидлашича, 37 ёшли португалияликнинг аксарият шериклари Криштианунинг клубини ўзгартириш истаги ҳақидаги хабардан хурсанд бўлишган. Жамоа Роналдунинг кийим алмаштириш хонасида бўлиши жамоа ичидаги муҳитга салбий таъсир қилади, деб ҳисоблайди.
Жорий трансфер ойнасида португалиялик футболчига бир қатор топ-клублар қизиқиш билдираётгани хабар қилинганди. Даъвогарлар орасида "Бавария", "Челси", "Спортинг", "Барселона" ва "Атлетико"лар бор эди, лекин якунда бу жамоалар ушбу трансферни амалга оширишни хоҳлашмади.
Ҳужумчининг "Манчестер Юнайтед" билан шартномаси 2023 йилнинг ёзига қадар мўлжалланган.
