"Челси" ярим ҳимоячиси Кенеди Испаниянинг "Вальядолид" клубига ижара асосида ўтишга яқин турибди, дея хабар беради Revelo нашри.
Кенеди 2015 йилнинг ёзидан бери "кўклар"га тегишли. Бу вақт ичида бразилиялик лондонликлар сафида 30 та ўйин ўтказиб, 3 та гол урди ва 4 та голли узатмани амалга оширди. Кенеди ўтган мавсумда "Челси"нинг атиги учта ўйинида майдонга тушиб, битта голли узатмани амалга оширди.
Премьер-лиганинг жорий мавсум беш туридан сўнг “кўклар” 7 очко жамғариб, турнир жадвалида 9-ўринда бормоқда.