Испаниянинг “Севилья” клуби янги ҳужумчи билан шартнома имзолаганини эълон қилди. Андалусия клуби сафини даниялик “Ницца” ҳужумчиси Каспер Дольберг билан тўлдирди.
Ла Лига вакили матбуот хизмати хабар беришича, шартнома бир йиллик ижара асосида, кейинчалик сотиб олиш ҳуқуқи билан тузилган. Тўлов миқдори 20 миллион еврони ташкил қилади.
24 ёшли футболчи Франция чемпионатининг сўнгги мавсумида 26та ўйинда иштирок этди. Дольберг олтита гол ва иккита голли узатмани амалга оширди.