Португалия терма жамоаси сардори Криштиано Роналду унинг ўйинини танқид қилаётганларга эътибор бермаслигини айтиб ўтди.
"Ҳаммага бирдек ёқишинг қийин. Бироқ менинг танқидлардан жаҳлим чиқаётгани ёки тушкунликка тушаётганим йўқ" дейди Роналду.
"Машҳур юлдуз футболчи бўлганингдан кейин аввалги ўйинингга қараганда яхшироқ ўйин кўрсатишни талаб қилувчи инсонларнинг босимини ҳис қиласан."
"Ҳатто Мессини ҳам танқид қилувчилар бор."
"Мен танқидларни профессионал футболчи ҳаётининг бир қисми деб биламан. Кучли инсон танқидларга эътибор бермасдан футбол ўйнашда давом этиши лозим. Менинг танқидларни назорат қилувчи ёки йўқ қилувчи агентларим йўқ. Мен шунчаки майдонга чиқаман ва энг зўр қобилиятимни ишга солиб ўйнайман."
